 |
| الشاب أحمد صاحب 37عام |
كتب : عمروالهواري
أحمد ذو ال٣٧ عاما تملك منه المرض وأصبح طريح الفراش بعدما شاءت الأقدار أن يكون ضحية حادث غير حياته رأساً على عقب وأصبح غير قادر على العمل وكسب قوت يومه ،لم يعد لديه مصدر رزق يتكسب منه ،غير معاش صغير لا يعينه على أمور معيشته، كل ما يطمح إليه أحمد هو الشفاء وأن يساعده شخص من أهل الخير ويوفر له موتوسيكل لتسهيل الحركة والتنقل .
قال أحمد : كنت شغال بياع على عربيه بحصان ، جالي دور سخونية وقعدت في المستشفى سنة ونص والدكاترة كانوا محتارين في تشخيص الحالة . كنت هموت وربنا نجاني وبعد كده عملت حادثة عملتلي شلل نصفي ."
وأضاف أحمد : مباخدش العلاج عشان لا أملك تمنه . مبروحش للدكتور عشان معيش تمن الكشف ،مش قادر أشتغل وبقيت قاعد على كرسي متحرك ومعنديش مصدر رزق غير معاش صغير وأنا قاعد في شقة إيجار وعندي طفلين في المدارس عاوزين مصاريف ."
وعن أمنية أحمد قال : نفسي أرجع أمشي على رجلي تاني وأعرف أدخل الحمام لوحدي بطلع السلم وانزل زحف على الأرض ، وعاوز أهل الخير يجيبولي موتوسيكل يسهل عليا الحركة ."