كتب : حمدى صابر احمد
قال الإعلامي احمد الطاهري، رئيس تحرير جريدة روز اليوسف أنه تفاجئ في عزاء الراحل وائل الإبراشي مساء أمس بعدد كبير من السيارات من الدقهلية لحضور العزاء.
وأضاف من ضمن حضور العزاء فيه مجموعة من الناس وصلوا في 9 عربيات من الدقهلية.. بعضهم كان من أقارب أ."وائل" الله يرحمه، والمفاجأة إن أغلبية الباقيين كانوا سيدات معاهم أطفالهم وكل واحدة منهم بتقول: (هو اللي جهزني)!.. أ."أحمد" بيقول إنه عرف في نهاية العزاء إن العظيم الراحل كان عنده جمعية كل مهمتها إنها تجهز البنات الأيتام!..
دي تفصيلة مهمة بتخليك تشوف جانب مُلهم في شخصية "وائل الإبراشي" غير الإعلامي والصحفي المميز.. الجمعية الخيرية دي محدش كان يعرف عنها حاجة إعلامياً قبل كده لإن الراحل كان حريص على فعل الخير للخير بدون أى شو ولا دعاية ولإن غرضه كان رضا ربنا فقط لا غير.. بيموت الإنسان وبتفضل بعده سيرته الحلوة وعمله الطيب.. وسيرة "وائل الإبراشي" العطرة مستمرة ومكملة وبتخليك متأكد إنه إن شاء الله في الجنة.. ربنا يرحمه ويغفرله ويجعل دعوات الطيبين من نصيبه.