القائمة الرئيسية

الصفحات

الدكتور أحمد حمدى يكتب علامات تكشف بها " لحم الحمير"... نصائح ستشكرني عليها

  



 بقلم الدكتور احمد حمدي 

 اتسألت عن كيفية معرفة لحوم الحمير امبارح وعلشان كده كتبت المقال ده👇 .لمعرفة اللحوم الحمراء للماشية والتفرقة بينها وبين للحوم الحمير هنقسم الموضوع بتاعنا لكذا جزء عشان متتلخبطوش **الجزءالأول هنبدأ بمعرفة لحم الحمير قبل الطهي وهي طازجة . ** الجزء التاني معرفة لحوم الحمير بعد الطهي .

 #أولا_التعرف_علي_لحم_الحمير_قبل_الطهي وهي لسه عندالجزار .

 1- أول حاجة نبص عليها لون اللحمة لون لحمة الحمير أحمر داكن بني ويميل للزرقة والإسوداد .علي عكس لحوم الماشية فتكون لونها أحمر وردي زهري . 

2- وبعد كدا نبص علي لون الدهن في اللحمة الدهن للحم الحمير لا يتجمد أبدا ويكون جيلاتيني ويظل شكلة هلامي ويكون لون الدهن أصفر نحاسي ولكن هناك لحوم أيضا يكون لون الدهن أصفر ولكنه أصفر مقبول فاتح اللون ويتجمد مثلما في اللحوم البقرية فلا داعي للقلق . والدهن بلحوم الماشية يتجمد ويكون لونه أبيض باللحوم الجاموسي ويميل للإصفرار باللحوم البقرية . 

3- - ولو بقي اللحمة مش باين معاك لونها ولا لون الدهن اللي فيها يبقي نبص علي الضلوع وبالنسبة للحوم الحمير بتكون 18 زوج من الأضلاع اما الماشية كالأبقار والجاموس: 13 زوج من الأضلاع. وهنا لازم نعد الضلوع لو كانت 18 زوج من الضلوع اعرفوا إنه حمار. 

 4- طيب أنا مش عارف عدد الضلوع اللي قدامي عشان مفيش غير نص الدبيحة أو ربعها هقولك تعرف ازاي الضلوع بلحوم الحمير تكون الأضلاع رفيعة للغاية وليست سميكة مثل الأبقار والجاموس, كما أن لونها يكون داكنا و لو تعرضت للهواء يتحول لونها إلى ما يشبه صدأ وبكدا تعرفها . 

5- بتهيألي كدا ممكن تتعرفوا علي لحوم الحمير بسهولة طيب خدوا دي كمان عشان يبقي مسبناش حاجة خالص هنشوف الألياف وبتكون قوية في الحمير هتقوللي يعني إيه الألياف بصوا ياجماعه الألياف دي هي الخطوط البيضاء اللي بتكون موجودة داخل اللحوم وبتكون بشكل طولي ومقسمه اللحمة وتحس ان هي عامله زي العضلات المفتوله 

 6- بالنسبة للكاهل بتاع الحمير عشان الناس اللي بتحب الكوارع تخلي بالها الكاهل للحوم الحمير عصوي ورفيع يعني استكبروا وانتوا بتجيبو الكوارع أما بالنسبة لكاهل الماشية من الخلف ممتليء وسميك .

 7- وأخيرا نسخن سكينة ونضع نصلها في قطعه لحمة ولو لقينا ريحة اللحم بقت زي اسطبلات الخيل والحمير يبقي دا لحمة حمار ابن حمار أما بقي لو شميت ريحة مقبولة لحضرتك زي اللحوم العادية فيبقي دي لحمة ماشية . 

8- أخيرا بقي لو منفعش كل الحاجات دي هنعملها إختبار مع الشوربة وهو إختبار بسيط وبيكون كالأتي : هنجيب حوالي 250 جرام من اللحمة اللي انتوا شكين فيها بس بشرط يكون فيها كمية من الدهن ونفرمها وبعد كدا نعمل بيها شوربة لحمه عادية خالص وبعد ما نعمل الشوربة هناخد جزء من سائل الشوربة ده ونضعه في وعاء ونضع علية شوية من مادة ( اليود ) شوية صغرين لو ظهر ليه لون الشوربة بنفسجي أو أزرق تبقي دي لحمة حمير أوخيول أما لو حطيت اليود ومظهرش لون يبقي لحوم ماشية عادية ومفيش اي مشاكل . 

#ثانيا_التعرف_علي_لحم_الحمير_بعدالطهي 1- تكون الشوربة بها بقع صفراء غليظة تطفو علي السطح. 

. 2- شم رائحة كاسطبل الخيول والحمير ورائحتها تكون كريهة ومتزنخة . 3- وتمتاز بنكهة مسكرة عند الطهى بالاضافة الى ان مرقتها تزداد فيها البقع الصفراء .

 4- اللحوم المطبوخة للحمير تكون سوداء . ***وهنا يجب الحذر من اللحوم . ويجب علي المواطن التعامل مع جزارين موثوق بهم وخاضعين للرقابة الصحية الدائمة.ومن الجهات المختصة كالإدارات البيطرية وملتزمين بالاشتراطات الصحية والنظافة . 

#هاااااااام علشان نعرف نفرق بين اللحمة الميتة والمذبوحة بالطريقة الصحيحة اقطع قطعة لحم وضعها فى وعاء به ماء ان تلوث الماء بالدم فهو لحم ميت كما ان اللحم الميت شديد التماسك . #ممنوع ممنوع منعا باتا شراء لحوم مفرومة جاهزة لأن ساعتها مش هتعرف لحمة الحمير من غيرة فنصيحة لوعايز مفروم يبقي تشتري اللحمة ويفرمها الجزار وانت واقف .

 – بالنسبة للحم المطهو بالمطاعم صعب التعرف على انه لحم ميتة او نوعه حتى ولكن بالنسبة للانشون والسجق والبسطرمة يفضل عدم شراؤهم وعملهم بالمنزل لانهم من اكثر اللحوم التى مشكوك فى امر تصنيعها اى كان ماركتها وان اردت شراء سجق يكون من جزار معروف او بائع اللحم وتكون اللحمة مختومة بختم السلخانه الحكومي وبيكون مكتوب داخل الختم اسم المحافظة ومكان الذبح ورقم العنبر ونوع اللحمة والرقم السري لليوم الذي تم به الذبح. وارجع واقول ارجو عدم شراء البيف واللانشون والبسطرمة وعملهم بالمنزل او الاستغناء عنهم لان صحتنا اهم من اى طعام يضيع طعمه بمجرد وصوله للحلق #خطورة_تناول_لحوم_الحمير أولا وقبل أي شيء لحوم الحمير محرمه شرعا . ثانيا لحم الحمير خطير جدا على الصحة لأنه يمكن أن يحمل الأمراض البيولوجية لجسم الإنسان مثل الفيروسية والفطرية والطفيلية التي تؤدي إلى الإصابة بالنزلات المعوية الميكروبية وتؤدي إلى الإصابة بالتسمم الغذائي الكيميائي، ومن أعراضه القيء والإسهال والجفاف الذي قد يؤدي إلى الوفاة..



تعليقات

التنقل السريع