القائمة الرئيسية

الصفحات

أنا بنت مصرية ...لونى قمحاوى

 

أنا بنت مصرية ...لونى قمحاوى



أنا بنت مصرية ...لونى قمحاوى 

سمرة  زى الأرض المصرية

لا اعرف الميك اب  

وجمالى رباني... ولو لابسة جلابية

أنا بنت جدعة ومش هافية

اصولى شريفة و عربية 

انا بنت مصرية

وسمعتى سباقانى لا اعرف الملاوعة 

وطريقي واحد ودغورى 

 مش  كانى ولا مانى

صبورة صبر الجمال وباتحمل

 ماعرفش اشتكى

 ولا اقول يا ابا    ولا يا ما 

و لا آآآآآآآه يانى 

انا بنت مصرية وما حبش الحال المايل 

ولا أجامل ولا اتلون

  راجل فى كل تصرفاتي

إنا الصدق شعاري 

وفى الحق صوت عالى

 وأقوله  على نفسى وحتى  اولادى

انأ بنت مصرية وكلى رجوله 

مع امى وابويا واخويا وكل جيرانى

انا مصرية وبأحب تراب بلادى 

ربنا يحفظها 

وافديها  بدمى  وروحى 

وفلذات اكبادى.


بقلم الدكتورة نجاة عقيل 

رئيس مجلس إدارة الجمعيه المصريه للتنميه ومكافحة العنف ضد المرأه والطفل ، سوهاج

هل اعجبك الموضوع :

تعليقات

التنقل السريع