حوار: خالد حمادة أحمد
* في البداية.. عرفينا بنفسك.. وكم عمرك؟
_اسمي لؤلؤة خالد صلاح عندي 8 سنين، في مدرسة جابر الأنصاري، وبحب لعبة الجمباز وشجعني نينة وجدو عزت وخالو محمد وخالتو إيناس ومامي و بابي.
* من اكتشف الموهبة عندك يا لؤلؤه؟
_بدات و من انا صغيرة عندي 4 سنين كنت بروح مع ننة و خالو وبابي و بيبو النادي هو بيلعب رماية، وكابتن بتاع جمباز في طلائع الجيش قالي تلعبي جمباز ومن هنا مامي اشتركت لية في نادي طلائع الجيش وثم شاركت في لعبت جمباز وحبيتها جدا اكتر من اول مرة لبست فيها ميدالية دهب اللعبة دي خلتني واثقه من نفسي أن أقف قدام عدد كبير من الحكام والجمهور ومش هخاف.
* الفرصة جت إزاي انك تبقى موجودة في اي عمل فني؟
_مامي السبب انها تدخلني انا واخواتي شهاب وفارس التمثيل كنا بنشوف اطفال في التليفزيون خصوصا مسلسل ابو البنات كنا بنحبه جدا وبابي.
* كلميني اكتر عن حياتك و مين شجعك؟
كمان بابي كمان سبب رئيسي لتشجيعى لممارسة الرياضة وبيدنى حافز انى اكمل واكون بطلة على مستوى العالم بابي بيحب يشجعنى دايما
_حياتي من وانا عندي اربع سنين كلها مغامرة ومابين اني اكون طفلة رياضية وكمان متفوقة دراسيا واثبث نفسي في مجال التمثيل وان هيجي اليوم واكون ممثلة شاطرة وده اكيد عايزه دراسة بس نفسي اكون ممثله ليها هدف، وواصل معلومة مفيدة عن طريق الميديا.
* ما الأكلة المفضلة؟
_بصراحة نينة علمتني اقول الحمد الله علي اي حاجه ممكن تكون قدامي اكلها واقول الحمد الله علي نعمة ربنا.
* ما هوايتك المفضلة غير التمثيل والجمباز ؟
_ مامي اشتركت لي في مسابقة أجمل الأطفال في الوطن العربي مع مامي ريهو، ومن هنا مامي ريهو شجعتني اكون فاشونستا وان شاء الله دي الخطوة اللي بحضر ليها الايام الجاية بس وقفنا تصوير بسبب كورونا والحظر.
*ما أسباب اختيارك للمشاركة في مسلسل ليالينا 80 في رمضان؟
_ مامي شيري هي اسباب اختياري والمخرج.
*هل كان في اي عؤائق بتقصر علي التصوير خلال ازمة كورونا؟
_ بصراحة بالنسبة لتصوير المسلسلات اللي نزلنا فيها خلال ازمة كورونا، ولا الحمد الله كان في تعقيم كل لحظة أثناء التصوير وكمام في فريق طبي ودايما متابع ولكن بالنسبه لتصوير المهرجان اه للاسف مامي ريهو خايفه علينا ننزل بسبب التجمعات وانا متشوقة جدا احضر الايفينت بتاع المهرجان.
* نفسك تبقى ايه ما هي أحلامك؟
_نفسي أكون بطلة جمباز على مستوى العالم حلمي اكون دكتورة واساعد غيري واكون من الجيش الابيض.
* بتحبي تسمعي ايه في التليفزيون؟
_بحب نجوم مسرح مصر، الافلام الكوميدية، والمسلسلات اللي بتضحكني وتنه ورنة.
* من مثلك الأعلى في التمثيل؟
_ بحب الفنان عادل امام قووي وبحب كمان الفنان احمد السقا، واحمد عز، ومحمد هنيدي، ومحمد رمضان، ومي عز الدين وياسمين عبد العزيز، وبحب ناس كتير قوي.
* من مثلك الأعلى في الغناء؟
_بحب اسمع قرآن وانام عليه واقراء قرآن قبل ماانام وادعي،بالنسبه للغناء بحب اغاني الجيش اللي اتعملت اخيرت بتاعت المنسي، وبحب اغاني كتير محمد حماقي بحبه قوي.
*ما خطوات تحقيق طموحاتك يالؤلؤه؟
اول خطوة تعليمي واكون متفوقة علشان اقدر احقق اهدافي، وان شاء الله انتظم في التمرين علشان اكون ممثلة شاطرة انا و شهاب وفارس اخواتي.
* قولي كلمة أخيرة؟
احب اشكر بابي جداا أنه ساعدنى وشجعنى وبصراحة هو مثلى الأعلى وربنا يخلي بابي ومامى لية يارب
_نفسي ربنا يحقق احلامي ومش اعمل اي حاجه تزعل ربنا و مامي وبابي مني..