سوهاج : حمدى صابر أحمد
تحدث الدكتور أحمد حمدى مدير مديرية الطب البيطري بسوهاج عن كيفية القضاء على غلاء اللحوم قائلا
ايوه اللحوم المجمدة كويسة طالما تجميدها سليم وتاريخ صلاحيتها ساري ومافيش عليها أي الوان غريبة أو مختلفة زي اللون الأخضر أو البني
وطالما ريحتها عادية مش سيئة أو نفاذة وعلى فكرة كان عليها اشراف طبي محترم أثناء الدبح وبالشروط الشرعية
وأكد اللحوم المجمدة ليها فوايدها زي الطازة الفرق بس هيكون في طريقة نقلها وتخزينها هم دول اللي هيعملو فرق بسيط في الطعم وممكن مابكونش فيه فرق أصلا
اللحوم السوداني كويسة
ايوه كويسة طالما مدبوحة تحت اشراف طبي مصري وكمان طالما لون اللحمة وريحتها طبيعين
ده كمان فيه لحوم منها بتكون صغيرة في السن ماتعرفش تفرق بينها وبين طعم اللحوم البلدي بتاعتنا
اللحوم السوداني ماتفرقش خالص في الفوايد الغذائية عن لحومنا البلدية والفرق البسيط اللي احتمال يحصل هو إنها هتوصلك مش دبح اليوم
اللحوم المعروضة في الشوادر وسعرها مخفض كويسة
ايوه كويسة طالما مدبوحة تحت اشراف طبيب بيطري وعليها أختام المجزر وعلى فكرة ممكن تكون هي نفس اللحوم اللي في محلات الجزارة الخاصة بس هيزود نسبة الدهون اللي بتتضاف على الكيلو ( وإيه يعني) ال دهون كلها فوايد وبتدي طعم جميل في الطبخ
اللحوم الجملي كويسة
ايوه كويسة وفوايدها كتيرة وياسلام كمان لو جمل صغير ( قاعود) هتلاقي لحمته طرية وجميلة
اللحوم الجملي هي برضو بتدبح تحت اشراف طبي كامل في مجازرنا
وخلي بالك دي نسبة دهونها قليلة جدا للي بيحب اللحم الصافي