كتب : حمدى صابر احمد
أيام قليلة تفصلنا عن عيد الأضحى المبارك 2023، والذي يقبل فيه المسلمون على ذبح المواشي كإحدى الشعائر الدينية المتربطة بعيد الأضحى وأداء فريضة الحج، وهي شكر لله تعالى، وتوسعة على النفس والأهل والمساكين، وصلة للرحم، وإحياء لسنة سيدنا إبراهيم عليه السلام حين أمره الله بذبح الفداء عن ابنه سيدنا إسماعيل عليه السلام في يوم النحر.
قال الدكتور احمد حمدى مدير المجازر بمحافظة سوهاج أثناء المرور على قري المحافظة وجدت يافتة مدون عليها سعر كيلو اللحوم 200 جنيه والاعلانات والاذاعة المحلية للقرية بتنشر الخبر بين الأهالي علشان يلحقوا يشتروا اللحوم المخفضة ولما كشفت على اللحمة لقيت عليها الختم الثماني.
وده معناه إن اللحمة دي لحيوان تم ذبحه بشكل اضطراري نتيجة إنه خلاص أصبح غير صالح للتربي مثلاً مريض وعلاجه مكلف وهياخد فترة طويلة أو حصله كسر مضاعف أو أنثى أصبحت غير قادرة على الإنجاب بسبب مرضي
وأضاف الدكتور احمد حمدى أثناء الكشف على اللحمة تبين إنها لحمة أنثى كبيرة جداً في السن وواضح إنها كانت مريضة قبل الذبح البقرة دي أخدها الجزار ودخل بيها المجزر واجرى عليها طبيب المجزر الكشف اللازم واخرج الللحوم الصالحة منها للاستهلاك الآدمي لكن وقبل خروج اللحمة من المجزر تم ختمها بالختم الثماني( ختم الذبح الاضطراري ) علشان أنت كمستهلك تبقى عارف درجة جودة اللحوم اللي هتشتريها والسعر المناسب اللي المفروض تشتري بيه اللحوم دي
وأكد أن 200 جنيه ده السعر العادي جدآ للحوم العوارض مش مخفض ولا حاجة لكنه صالح طبعاً للاستهلاك الٱدمي