JavaScript is not enabled!...Please enable javascript in your browser

جافا سكريبت غير ممكن! ... الرجاء تفعيل الجافا سكريبت في متصفحك.

recent
عاجل
الصفحة الرئيسية

رئيس حماية المستهلك بسوهاج توجه نصائح هامة لأم العريس والعروسة بخصوص شراء الأجهزة الكهربائية وتركها بالسنين لحد الزواج

 

رئيس حماية المستهلك بسوهاج توجه نصائح هامة لأم العريس والعروسة بخصوص شراء الأجهزة الكهربائية وتركها بالسنين لحد الزواج

سوهاج : حمدى صابر أحمد 



وجهت سحر حامد عجاج مدير إدارة حماية المستهلك بمديرية التموين بسوهاج رساله لكل ست مصرية بتجهز إبنها أو بنتها سواء عريس أو عروسه وتقوم بتخزين الاجهزة الكهربائية بالسنين أنتي كدا بتضيعي فترة الضمان علي الأجهزة من غير ما تحسي، وحتتفاجئي بعد جواز العرايس إن أي جهاز كهربائي يعطل هيتحسب عليكى فترة ضمانه من تاريخ إنتاج المصنع للجهاز.

وأضافت عجاج هناك معلومة ومعظم الناس مش واخده بالها منها 

يعني إيه تاريخ إنتاج المصنع 

حفهم حضرتك ببساطة أي جهاز كهربائي له تاريخ إنتاج من المصنع المنتج له يعني مثلاً سخان كهربائي إنتاج ٢٠٢٠ والتاجر اشتراه من المصنع واتركن عنده سنتين وبعدين حضرتك اشترتيه من التاجر وركنتيه للعرايس ٣ سنين....كدة مدة الضمان خلصت قبل استخدامه اصلا

طيب إيه الحل في الحالة دي

الحل في الحالة دي إن حضرتك تطلبي من التاجر اللي اشتريتي منه إنه يجيبلك فاتورة قانونية من الشركة بتاريخ تركيب الجهاز أول ما يتم استخدامه وطبعا الفاتورة القانونية حتكلفك فلوس لأنها فاتورة ضريبية لكن حتقدري تستغلي فترة الضمان.

يبقي الأفضل من الأول أننا كلنا ناخد بالنا لما نشتري أي جهاز كهربائي إن تاريخ إنتاج المصنع المكتوب على الجهاز يكون جديد يعني مايكنش عدى عليه أكتر من شهور قليلة ، وبلاش نركن الأجهزة الكهربائية سنين عندنا لأن ده بيضيع فترة الضمان من غير ما نحس.

وأخيراً أي حد ركن عنده أجهزة كهربائية وخايف يكون ضاع عليه فترة الضمان ومحتاج أي مساعدة أو إستفسار إحنا تحت أمره

ياريت يتواصل معانا

رئيس حماية المستهلك بسوهاج توجه نصائح هامة لأم العريس والعروسة بخصوص شراء الأجهزة الكهربائية وتركها بالسنين لحد الزواج

El khabrelmasry sohag

تعليقات
    ليست هناك تعليقات
    إرسال تعليق
      الاسمبريد إلكترونيرسالة