كتبت : بسنت محمود
نشرت الفنانة رانيا شاهين عبر حسابها الشخصي بموقع "فيسبوك" منشوراً تهاجم فيه الفنان هشام المليجي .
وعلقت قائلة: « الممثل ده بعد ما مسحت البوست بعشر دقايق كتب بعدها بساعة أنه منزعج مني ومن التليفونات الكتير والناس اللي بتطمن عليه، وبعدين راح تاني يوم شكرني علشان كنت السبب أن عرف أن الناس بتحبه، وبعدين ثالث يوم كتب أبعدي عن حياتي، وأنا صامت، وعلى فكرة أنا اللى كلمته وقلتله أنا كتبتلك بوست حلو والناس أنجذبت ليه بسرعة وانا ماكنتش متوقع الحقيقة ده قالي كتبتي أيه قلتله هبعتهولك واتساب وقالي لا يا رانيا امسحية قلت له تمام ومسحته بعد عشر دقايق، من ساعتها مواقع وتصريحات أني داخلة في حياتك» .
وتابعت : «حسبنا الله ونعمة الوكيل أنا هبقي محترمة لآخر لحظة، ومش هقول مين اللي كان بيكلم مين، ومش هقول أنا عملت ايه وفي ناس موجودة وعارفة انا عملت معاك ايه، وكنت سبب في أيه تمام بس قسمابالله أي كلام فيه تشهير بيا أو تطاول أنا هنسي العيش والملح وأنا جزمة أني حاولت أساعدك
حسبنا الله ونعمة الوكيل ربنا يوريني عجايب قدرته فيك الحمد لله أنك أتكشفت ليا » .
وأضافت : « حياة أيه ياهشام اللي أنا داخلة فيه بلاش إزعاج هي وصلت للدرجة دي أنت بتشهر بيا حياتك أيه ده ده أنا تاني مرة أكتب عنك من ٦ سنين وعمري مجبت سيرتك علي الفيس لو عايز تشتهر على قفايا تبقي معرفتنيش كويس عيب عليك أنت راجل كبير في السن وربنا يحفظنا من سوء الكبر حسبنا الله ونعمة الوكيل الراجل ده ياجماعة عمال يكلم أصحابي ويقول كلام كدب أنا مكتبتوش أهو ده جاري المحترم » .
يذكر أن نشر الفنان هشام المليجي منذ عدة ساعات عبر حسابه الشخصي بموقع "فيسبوك" منشوراً وعلق قائلًا :« يا أستاذه رانيا حضرتك تطوعتي وتدخلتي في حياتي من غير إذن، وقلتي كلام مش حقيقي، محدش طلب منك المساعده، وحضرتك مصصمه تزعجيني من فضلك متجبيش سيرتي تاني في أي حوار أو مداخله .. شكرا ».