JavaScript is not enabled!...Please enable javascript in your browser

جافا سكريبت غير ممكن! ... الرجاء تفعيل الجافا سكريبت في متصفحك.

recent
عاجل
الصفحة الرئيسية

مدير مجازر سوهاج يكتب لو هتاكل لحمة مذبوحة في الشارع كانك بتاكل من علبة مغلقه بدون بيانات

  

مدير مجازر سوهاج يكتب لو هتاكل لحمة مذبوحة في الشارع كانك بتاكل من علبة مغلقه بدون بيانات




بقلم : الدكتور أحمد حمدى 



بستغرب جدًا من الناس اللي بتدافع عن فكرة إن الحيوان طالما واقف على رجليه واندبح قدام عنينا يبقى اللحوم سليمة 

وإن إحنا لما بنصادر لحوم مذبوحة خارج المجازر ده ظلم أو تعسف وده هيخليني اسألهم وياريت يجاوبوني بكل صراحة 


لو هتشتري أكل لبيتك والعبوة مش عليها أي بيانات هل هتاخدها.


لو إجابتك ب (ايوه).

يبقى هقولك كده اتفضل اشتري لحوم ما اتعرضتش على طبيب يكشف عليها وربنا يسترها عليك وعلى صحة ولادك


لو إجابتك ب (لا).

يبقى ليه بتدافع أو بتقبل إنك تشتري لحوم ما تمش الكشف الفني الكامل عليها من دكتور بيطري متخصص قبل الدبح وبعده.


قبل الدبح علشان يتأكد من صحة الحيوان العامة ومدى صلاحيته للدبح 

وبعد الدبح علشان فيه امراض كتيييير جداً مش بتظهر إلا بعد ما جسم الحيوان يكون. مفتوح ويتم فحص كل عضو لوحده.


وعلشان كده كتير جدا طبيب المجزر بياخد قرار باعدام اللحوم  سواء جزئيًا او كليا على حسب درجة ومكان الإصابة .


ولما يتأكد الطبيب البيطري من صلاحية اللحوم دي للاستهلاك الادمي بيبدأ يحط عليها البيانات  (الاختام).


والاختام دي فيها اسم المحافظة واسم المجزر ويوم الدبح والعلامة السرية الخاصة بالمجزر وكمان نوع الحيوان سواء بقري او جاموسي او جملي او ضاني. 


يبقى دلوقتي هل هتاكل لحمة بدون بيانات.

مدير مجازر سوهاج يكتب لو هتاكل لحمة مذبوحة في الشارع كانك بتاكل من علبة مغلقه بدون بيانات

alkhabralmasry7

تعليقات
    ليست هناك تعليقات
    إرسال تعليق
      الاسمبريد إلكترونيرسالة