أجري الحوار . عمرو الحلو
ضياء بهجت مدير الكرة بنادي الكوم الأحمر هو أحد أشهر مديري الكورة في الدرجه الرابعه والثالثه والثانية لما يتميز بيه من علاقات قويه مع الجميع وخاصه أندية مصر بصفه عامه الجميع يحبه ويتمني له النجاح والتوفيق إلتقينا بيه واجرينا معه هذا الحوار :
في البداية ألف مبروك علي الصعود تحب تقول ايه بعد صعودكم ؟
الحمدلله نحمد ربنا بذلنا مجهود كبير وقدمنا موسم مميز تعبنا و شقىنت و معانا لاعيبة رجالة تحملت المسئولية وكانت بتسيب شغلها من اجل تحقيق الحلم .. لاعيبة رجالة عارفين اللى ليهم و اللى عليهم و بيسمعو الكلام و بيلتزموا بالقواعد ، و بشكر المدرب الكبير كابتن احمد بسيونى و كابتن اسلام الجزار كانوا سبب من اسباب الصعود هما اللى بداو الموسم وعملوا فترة الإعداد للفريق و حاضو أول خمس مباريات فى الدورى ثم أكمل المهمة المدرب الواعى كابتن سمير كرم و بشكر باقى الجهاز المعاون كابتن وائل عربى و كابتن طلعت شرارة .
هل الفريق تعرض لظلم من وجهة نظرك ؟
بالتاكيد تم فعل ذلك ، تعرضنا لظلم بنقل بعض المباريات وتم وقف لاعبين بدون وجه حق ، الحمدلله احنا فريق رجالة بنكسب بجمهودنا و عرقنا ولايوجد دعم من أحد
وجه كلمة للفريق تحب تقولهم إيه ؟
بشكر كل فرد فى الفرقة و المنظومة المحترمة اللى بتشرف أنى بخدمها و مجلس الادارة المساند لنا دائما برئاسة الحج أسامة رمضان و الحاج محمد عباس نائب رئيس النادى و أخص بالشكر عم محى و عم سلامة عمال الفريق .
وجه كلمة لجمهور نادى الكوم الاحمر ؟
بفتخر انى واحد منكم ، بفتخر ان فى اول موسم معاكم كمدير للكرة كنت سبب فى تحقيق حلم بلد كبيرة و محترمة بناسها الاصيلة وتحقيق حلم الصعود شكرا لدعمكم الدائم .. أنتم فى قلبى جميعاً .
من هو أفضل حكم في الدرجه الرابعه ؟
كابتن مصطفى إبراهيم حكم منطقة الجيزة
أبرز الاعبين الذين ظهروا بمستوى رائع هذا الموسم ؟
كلهم لاعيبة دورى ممتاز بدون مبالغة .. رجالتى الأبطال .. بشكر كل الفريق من أول لاعب لأخر لاعب .
تحب تقول ايه للفرق المنافسة ؟
قبل بداية الدورى قولت كل الفرق محترمة و لكن مفيش منافسين .. ضياء بهجت مش بيقول كلمة غلط .
مدربين الفرق المنافسة كانت مشغولة ببوستات الفيسبوك اللى بكتبها على صفحتى الشخصية اكتر من الاهتمام بفرقهم .. هناك البعض قام بشراء كروت فكة للشكوى أكثر من عدد نقاط فريقهم فى الدورى
كلمة أخيرة تحب تقولها لاي حد ؟
أوجها لجمهور الكوم الاحمر زى ما وعدتكم بالصعود للترقى أننا هنصعد من الترقى إن شاء الله .
فى إحدى المباريات تم التوصية بعدم وجودى فى المستطيل الاخضر إلا سيتم إلغاء المبارة .. خرجت و صعدت أعلى مبنى الأدارة و مسكت الميكروفون و شغلت سماعات الملعب الكبيرة و فضلت اشجع فرقتى من الميكروفون على مسمع الجميع و قولتلهم " لو فاكرين التوصيات هتبعدنى عن تشجيع فرقتى و إدارة شغلى تبقوا مجانين و فوزنا فى تلك المباراة 2/1 و رجالتى اللى بتشرف بهم أهدونى الفوز