السادة أصحاب السجادة
الفضيحة السنادي بزيادة
و الحقيقي مشفتش إفادة
في بث المهرجان او فالإعادة
و القهوة انا هشربها سادة
عالفن اللي بيموت كل مادا
النار هنا طفتوها الحمدلله
ميت مليون سلامة
طب هتطفوها ازاي بقى
لما تقوم القيامة
حريم ماشية ب شباشب
و فساتين غريبة عريانة
و المصور كل لقطة ينده
متزكي عن نفسك يا فنانة
و رجالة بتبوس و تحضن
عالفاضية كدا و ع المليانة
و جو البنات،، سهرة و كاسات ،
و الناس بترقص و سكرانة
فيه نجوم بحبها و بحترمها
و فيه أشكال مصدية و تعبانة
و السينما حزينة و مش فاهمة
ايه اللي حصل فالشغلانة ؟
احلى مشهد و أجمد فيلم
اخبار مبقتش فارقة معانا
بس فخد البت خد اوسكار
و العيون عليها سعرانة
متقولو انه مهرجان ازياء
كنت لبست شورت
و خدت جايزة ف السِمانة
نجلا و الحصان انقرضوا
و نجلاء بدر ... مشرفانا.
الفن يا ولداه ،، حاير كدا و تاه ،
و نمبر وان اكبر علامة
و مدام إلهام ، بتتجاهل و بتسأل:
انتو مين بقى يا لمامة ؟
و استاذ شريف ، مخنوق و بيهتف
انا وطني جدا و زعامة
أما بالنسبة لكورونا ف الجونة ،
مشفتش حد لابس كمامة
تقلع تعدي ،، و ترندك يودي
و ان شفت فن متنسااااش ،،،
السلاااام أمانة ...
السادة_أصحاب_السجادة
الفضيحة السنادي بزيادة
و الحقيقي مشفتش إفادة
في بث المهرجان او فالإعادة
و القهوة انا هشربها سادة
عالفن اللي بيموت كل مادا مهرجان الجونة السينمائي