كتبت : منى شكرى
فى مجتمعنا العربي نتفنن كيف يمكننا أن نتنمر على من هم يلقبون بذوي الهمم ظننا من بعض الاشخاص أنه حقق هدفه أن يكون متميز عليه فلا يعلمون أن ما أخذ الله من شئ الا وكان العوض فى اشياء أعظم هكذا هى قصه احمد مرزوق الملقب بدكتور ديكوباچ
احمد جمعه مرزوق ذات الـ 23 عام مؤهله الدراسي دبلوم صنايع
امتهن نجاره الموبيليا منذ ١٠سنوات رغم أنه ضعيف سمع ويستخدم جهاز لتقويه يسمى قوقعة الكترونية من خمسة أشهر أجرى جراحة بعد تدهور حالته السمعية
أول ضعيف سمع و زرع قوقعة يشتغل ويكمل في شغل النجاره وبالتحديد أشغال الديكوباج
بسؤال أحمد ما هى المواقف التى أثرت بك وجعلتك طموحا وتسعى لإثبات ذاتك فى المجال رد قائلا
من فترة تقريباً 7 شهور كنت شغال في ورشة في القاهرة وجت عميله الورشة و طلبت اوردر وكان أوردها فيه جزء ناقص وطبعا صاحب الورشة نده عليا عشان اكمل الاوردر بتاع العمليه المهم كملت الطلب بتاع العميله وقالتلي انت فاشل ،،بقولها ليه يافندم قالتلي عشان انت متعرفش تفتح ورشه زي دي وشغال عند واحد ميعرفش حاجه في المهنة
وتنمرت على طريقة كلامي وبالأخص تنمرت عليا لما طلبت منها تنزل الكمامة عشان افهم هي عاوزه ايه خصوصاً أن احنا ضعاف السمع بنعتمد على قراءة الشفايف أكثر من السماعه ،،امال جاية هنا ليه حضرتك قالت لي عشان انتو ارخص سعر
المهم قلتلها بقي أنا فاشل افتخر اني فاشل ومع ذلك حضرتك لسه بتاخدي شغل مننا روحت في نفس اليوم وكلام العملية دي مش عاوز يطلع من دماغي فا أنا صممت أنها لازم ترد لي اعتباري قمت عامل صفحه ديكوباج عامه وعملت اعلان ممول بسيط على قد معرفتي انا اللى عامله محدش عملي الاعلان ده
ومره واحده لقيتها بتكلمني على رسائل الصفحه انا عايزه اعمل اوردر ومكان حضرتك فين
المهم اخذت منها طلبها وبعتت عربون علي فودافون كاش واشتغلت في الاوردر بتاعها وجه وقت التسليم
طبعا هي متعرفش مين صاحب الصفحه
حددت وقت التسليم في الصباح الباكر الساعه السابعه صباحا وده وقت معظم العملاء مش بينزلوا فيه وانا اتعمد اني اخليها تجي في الوقت ده من أكتوبر
وبعد ما جت و استلمت الاوردر قولتلها حاجه تاني يافندم
قالتلي تسلم ايدك ياهندسه متوقعتش الشغل يطلع بالكفائه دي
قولتلها ازاي وانا فاشل بشهادة حضرتك
قالتلي أنا أول مره اتعامل معاك قولتلها لا من 4 شهور تقريبا كنت في ورشة فلان وحضرتك قولتيلى انك فاشل والنهارده بتقولي كفاءة عالية وهندسه
قالتلي اسفه لو كنت احرجتك يوم ما كنت عندكم في الورشة
الحمد لله العميله اعتذرت اسف لو طولت
وبماذا تنصح من يعانى من مشاكل ضعف السمع ؟
اوعي تسمحوا لحد يقلل منكم مهما كان مين ومهما كان المقام الى انت فيه و اللى هما فيه
انت استثنائي في مجالك الى بتحبه وعملك الى داخل دماغك وبتحبه بجد مش مجبر عليه
مع ان العملاء يقابلوني باستكبار بسبب السماعه وضعف السمع وان كلامي مش مظبوط في الحروف بس الحمد لله الجنيه الحلال اغني واحسن من الف حرام.
