بقلم | ملاك دميان
شوش إحنا الصاعيدة يا عم
أرض سيناء و أرض القنال
دحنا الحضارة ياعم
ياما ضحت علشانها الرجال
في الشعر كتبنا وركزنا
أرض الشهادة والدم
والفن واخدين مراكزنا
أرض التاريخ والمجد
في الأدب واخدين شهادات
أرض الهرم والسد
وفي التاريخ تحكي عنا حكايات
على فين ياعم على فين ياريس
النيل بيجري في أراضينا
والمية صافية والرزق جاي
وفلاح بيزرع من أهالينا
ع الشط سامع صياد بيقول ياحي
والشمس طالعة في الصبح بدري
ع الشط واقف يارب دبر
فلاح طالع على الغيط بيجري
ده الخير كتير الله وأكبر
فلاح حامل على كتفه فاسه
فلاح بيزرع أرض الجدود
علشان يزرع أرض ناسه
والجندي واقف على الحدود
على فين ياعمي على فين ياخويا
والنيل بيروي والخير بيزيد
دي أرض جدي وأرض ابويا
والقطر ماشي من مصر للصعيد