القائمة الرئيسية

الصفحات

بعد مهاجمتها بسبب حلقة أم نور ريهام سعيد بلاش نعمل قضاء على بعض





كتب : حمدى صابر احمد 


قالت الاعلامية ريهام سعيد بعد مهاجمتها بسبب حلقة أم نور صاحبة كفتة غرفة النوم ناس كتير قوى ان احنا بقينا بنحكم على الناس ومابنعديش على نفسنا  وتعمل قاضي ده حلو وده وحش ومبتعديش على نفسك وتصلح من نفسك بدل ما تعمل قاضي على الناس

وأضافت ازاى انت متابعها وعارفها ورافض ظهورها فى التليفزيون 

بعدما أعلنت ريهام سعيد عن حلقتها من برنامج صبايا الخير والذي يذاع على قناة النهار، كاشفة عن ضيوف الحلقة لأم نور من مشاهير التيك توك، لاقي هذا الإعلان هجوم حاد من رواد مواقع التواصل الاجتماعي.

وانهالت عليها التعليقات المنتقدة لحلقتها متهمين المذيعة بأنها أصبحت مفلسة اعلاميًا، حيث نشرت إحدي الصفحات كاتبة: ريهام سعيد راحت صورت مع ام نور واكلت الكفته هي وكل الكاست بتاعها، وبتقولكم محدش يحكم ع الحلقه غير لما تشوفها علشان ام نور هتحكي قصتها الحزينه يوم الاثنين في صبايا الخير، وابو نور بيقولها صوري المخده لاحسن بيقولوا اننا بناكل وبنمسح فالمخدة المستفاد من الفيديو حاجتين،ان نور طلع ولد مش بنت،وان ريهام سعيد مفلسه اعلاميا".

ودون شخص اخر معلقا: "ده ان دل على شيء فيدل على انحطاط الذوق.، أنهم قاصدين ينزلوا بينا لتحت،ولا يمكن هانطلع لفوق ابدا، بالطريقة دى والأسلوب ده ممنهج، والغرض منه تغييب الناس وتعويدهم على الانحطاط والذوق الزبالة وينسوا الأجيال اللى طالعة يعنى ايه اتكيت، ولا ثقافة،ولا نضافة،ولا شياكة،انا عن نفسى شايفة التصرف ده:"تلوث بصرى وسمعى غير مقبول".

وعلق اخر كاتبا: "ايه ده انا بجد مش مصدقه عنيي ليه كده يا جماعه ؟ ليه نشجع الانحطاط والاسفاف كده، انا اسفه بس بجد انا مش قادره اتخيل انها هزت طولها ونزلت تصور مع واحده بتحمر كفته جنب السرير،شوفتوا الإنجاز،عيب بجد والف عيب، انا مصدومه بس اقول ايه لك الله يا مصر ".

تعليقات

التنقل السريع