القائمة الرئيسية

الصفحات

الدكتور احمد ابو النصر يكتب هو يعني الدقيقتين اللي هرش فيهم الناموس هما اللي هيتعبوهم

 


 بقلم الدكتور : احمد ابو النصر

 قال الدكتور احمد ابو النصر كلنا عارفين مما لا شك فيه عن مدى تأثير السجاير على صحة اللي حوالينا قبل صحتنا .. بس مش دة موضوعي النهاردة .. موضوعي عن المبيدات الحشرية اللي بتترش في البيت قبل اللي بتترش على الفاكهة والخضار ..

 ماجاش في بالك عشان تبعدي عنك ناموسة مُزعجة في ترُشي نص الأزازة إنك أنتي وأي حد بيشمهم بيتعرض لحاجات كتير أنتوا في غنى عنها ويمكن ماتاخدوش بالكم منها إلا لما تتفاقم .. الجهاز التنفسي اللي بيشم المبيدات دي بيتأثر بطريقة مرعبة ماتتخيلوهاش .. السُعال اللي بيجي في نص الليل بدون سبب ممكن يبقى بسببها .. حساسية الجلد والعين والصدر.. 

دة ممكن تعمل صداع رغم إنك طول اليوم في البيت واكل وشارب وقاعد في هدوء ويجيلك صداع فجأة أعرف إنه بسببها برضو .. يعني تخيل تبقى بتاكل أكل مجهول المصدر مرشوش بمبيد .. وبتشم مبيد .. صحتك دي أنت عندك منها ٢ ولا ٣ !! طب خافوا على أطفالكوا من كل حاجة بيشموها حواليهم مؤذية جداً حتى لو على حساب نفسكوا هما أهم .. هاتوا الأجهزة اللي من غير ريحة .. شغلوها في الأوض وأنتوا تكونوا برا ، وأفصلوها قبل ما تدخلوا ، وأفتحوا فاتحة تهوية برضو .. وخلوا بالكوا من حساسية الصدر والربو وتلف الأعصاب .. نستحمل ولا نقضيها في علاج ؟!

تعليقات

التنقل السريع