كتب : حمدى صابر أحمد
نشرت الاعلامية ريهام سعيد على صفحتها الشخصية وقالت للتوضيح كمان مرة بعيدا عن العناوين المضللة والإصرار على تصويري للناس إني بتعامل بفوقية ومش شايفة حد .. أنا بحترم كل أهالي المناطق الشعبية سواء بولاق امبابة شبرا الدويقة دار السلام وأي منطقة في مصر حلوة بناسها الحلوة .. عمري ما تعاملت بتعالي زي ما الموقع ده بيحاول يصورني للناس .. ولو أنا كده أكيد ما كنتش على مدار سنين شغلي هنزل مناطق كتير زي بولاق وغيرها وأصور في مناطق مليانة شهامة وجدعنة.. وأكدت أنا كلامي عن بولاق اللي الموقع اختصره لهدف مش مفهوم واللي بدأ بجملة إن بولاق أجدع ناس كان دهشة واستغراب ازاي حد طالع من منطقة شعبية كلها جدعان يدعي على ولادي بشكل يسيء ليهم .. ازاي الجدع ممكن يقول كلام مش حقيقي ويشوه سمعة بنت وولد بدون ما يفكر ده هيضرهم ازاي .. وأضافت انا عمري ما اغلط في أهل أي منطقة في أي محافظة في مصر .. لاني لا احسن من حد ولا انا فوق حد .. وبتمنى الناس المحترمين في الموقع يتحروا الدقة ويراعوا ضميرهم في اللي بينقلوه ومش عشان تعملوا قراءات لأخباركم تعملوا كده .. ما تبقوش زي اللي قال عنهم ربنا فإن جاءكم فاسق بنبأ فتبينوا.. بلاش طريقة الكتابة بأسلوب ولا تقربوا الصلاة وتسكتوا.. أرجوكم فوضت أمري لله ..