كتب : حمدى صابر أحمد
تحولت القضية بين الفنانة ريم البارودى والاعلامية ريهام سعيد إلى حرب كلامية على مواقع التواصل الاجتماعي فيسبوك.
فبعد أن علقت ريم البارودى على الفيديو التى ظهرت فيه ريهام سعيد عندما قالت انا هتنازل عن كل القضايا اللى رفعتها ضد الناس اللى غلطت فيه خرجت ريم البارود وقالت فى تدوينة على حسابها الشخصي على موقع التواصل الاجتماعي فيسبوك بأن المحضر الخاص بها اتحفظ
فردت ريهام سعيد عبر فيديو على صفحتها الشخصية "
أولا: أنا طالعه لايف سريع وكنت طلعت أول إمبارح أني أتنازل عن القضايا اللى رفعتها ضد من غلطوا فيه ولكن زى ما أنا اول مرة اتشمت وتخيلت أنها هتكلمنى وتقولى أسفه وتعتذر ولكن لقيتها بتتمادى فى الغلط فرحت قدمت بلاغ واللى وصلنى منها انى انا طالعه اعمل لقطه وان انا بتنازل علشان المحضر بتاعك اتحفظ ولكن معلوماتك غلط والمحضر قائم وانا رايحه النيابه.
وثانيا: للاسف الشديد كل واحد بيترجم المواقف حسب ماهو عايز وانا كنت هتنازل علشان افتكرت العيش والملح وخلاص وعرفت معدن الناس وكل اللى اقدر اعمله انى اقطاعهم واعتبرهم ماتوا ولكن انتى ترجمتى الامور انى طالعه اعمل لقطه علشان انتى عايشة حياتك تعملى لقطات وانا الحمد لله عندى لقطات فى حياتى كتير وبعمل لاخرتى وعايزة اعيش فى سلام وربنا يرزقنى بالحجاب وللاسف الشديد نسيتى العيش والملح وبتطلعي تضربي فيه وبتدفعي للصحفيين يطلعوا يشوهوا فيه وعبارة عن كتائب بتقوم بحملات ضدي ايه كم الكره والغل دا أنا عملتلك إيه ربنا يهديكي ويصلح حالك
وأضافت ريهام انتى قايله عليه يافاجره انتى عارفه معناها ايه وانا مش هسامح واكمل فى القضايا لان فى ناس لازم تتعلم وهاخد حقي وارجع سمعت أبوية وامي وهوريكي ان ربنا مش بيضيع حق احد وجزاتك مش هيكون لطيف وانا هدلى بإقوالي والقانون هيرجعلى حقي واى واحد هيغلط فيه ولا يجرح فيه بدون وجه حق بمجرد انى انسانه ناجحه انا مش هسكتله.