كتبت: أسماء عبد المنعم
شارك النجم "أحمد سعد" جمهوره علي حسابه الشخصي الانستجرام فيديو أغنيته الجديدة "افرح" معلقاً: " اسكن قلوب الناس وفكر ايه هتديها شوف الحاجات الحلوه بس وازاي تعليها ده اللي بتعمله كده من قلبك هو اللي فاضل فيها.. أغنية "افرح" كاملة دلوقتي علي قناتي الرسمية علي يوتيوب اسمعوها كامله من لينك موجود في البايو".
الأغنية دويتو بين النجم "أحمد سعد" والنجم " وائل الفنشي" ومن كلمات وألحان "أحمد سعد" وتوزيع موسيقى "خالد نبيل".
وأشاد أحمد سعد، بالمطرب وائل الفشني قائلا: "من زمان وأنا بسمع أغانيه وبتبسط وصوته خطير"، وردا على ذلك أعرب وائل الفشنى عن سعادته بهذا التعاون وأكد على اعتزازه بـالفنان أحمد سعد، قائلًا: "الوحيد في مصر اللى وقف جنبي وقت أزمتى.. أحمد سعد عمود فني لمصر".
وطرح النجم أحمد سعد مؤخرا أحدث أغانيه التى تحمل اسم "رسالة"، وذلك على موقع الفيديوهات يوتيوب، وهى من كلمات آدم، وألحان أيمن هلال، وتوزيع ميدو مزيكا، ووجه من خلال الأغنية رسالة للخداعين والمتلاعبين.
وتقول كلمات الأغنية: رسالة منى ليكو ياللى كنتوا لمة.. رسالة منى ليكو ياللى كنتوا شلة.. رسالة منى ليكو ياللى كنتوا صحبة.. على سكتى أحسن لكم ماتظهروش.. ماتقولوش إن إحنا واحد.. عمرنا مانمشى فى طريق.. إنتوا صفحة طويتها راحت.. ياللى سيبتونى غريق.