القائمة الرئيسية

الصفحات

 

موظف طلع معاش


خواطر بقلم :الدكتورة نجاة عقيل

موظف طلع معاش  والكرسى الدوار

المعاش وسنين المعاش

دى ركنة بدرية

لشاب عمره ماعاش

ناس كتير تقول    امتى نطلع معاش؟؟؟؟؟

عشان نفضى ويبقى عندنا وقت براح 

انا واحد منهم  دلوقتى بأقول

ياريتهم يسمعوا  حكايتى 

مع الوظيفة والكرسى الدوار

وعينا على الدنيا

نجرى ورا الوظيفة

زى العطشان

 بندور على  مية

 فى حضن  السراب

فرحنا بالكرسى الدوار

تلف السنين

 والكرسي يرضوا بينا دوار

شاب الشعر وانحنى الظهر   وماحسناش

فرحنا بالترقية

وزيادة الماهية

عمرنا ماعشنا لحظة هنية

الاجازة عندى ملغية

 حلمى فى نومه اريح فيها رجليا

وراحة من مصاريف المنظرة

وطلبات العيال والولية

نفسى أغير البدلة

بس الرزق على القد

تكفى ايه!!!!!!!! الماهية

الأكل ولاالشرب؟؟

معلهش الشهرده يعدى     واللى بعده يعدى

 والمكافاة أهى.............. جاية

أسدد ديونى   ويمكن بعلاوة  يزودونى

دارات السنين وفى غمضة عين 

بعتولى.....................

 جهز ورقك وأخلى مكانك

وانتظر مستحقاتك

بكرة جاى ...........واحد يستلم مكانك

بصيت على الكرسى الدوار

وافتكرت أول مرة عليه قعدت

كنت فرحان

 وحاسس الأرض من تحتى بتهد

وميت شغلة فى اليوم ومشاوير

تهد الحيل والعزم

 كنت مبسوط

ومش حاسس بالشقى والهم

 مدفون فى ملفات وخدمات تقصر العمر

يفوت النهار وتعدى الساعات

وانا مربوط فى ساقية  مابارتحش

قلت خلاص هاطلع معاش وارتاح

وهجوز العيال

 وابقى انا والمدام

نروح عمرة ولاحج

لقيت نفسى فجأة تعبت

الدكتور قلى مسكين   ....... سكر وضغط

ياعم ارتاح ماتكلش سكريات

 ولاتتعصب على حد

الولية قالت ............هتعقد في البيت 

وتتدخل في اللي مالكش فيه

والعيال قالوا أبونا  .............       فيضي لينا خلاص

هيمنع عنا  النت   و يعد علينا الرنات

وصحابى قالوا لى  معلهش    مش فاضين 

ما أنت  عارف دوامة الشغل

لقيت نفسى وحيد بأعد أيامى 

بالثانية والساعات

 بقى ليلى نهار......... ونهارى ليل 

بصيت على الكرسى الدوار    

قلت  آه 00ياغدار   ..........غريتنى

ونسيتنى  شبابى 

واسترق عمرى       بين ورق  وملفات 

ولقيت نفسى على المعاش

لامعاش مكفى     ولابقى لى صحة ولاصحاب

معلهش يادنيا ........الكرسى الدوار بيا دار

وخلانى  خلاص من أصحاب المعاشات

حلمى   بس  امشي رجليا

وفسحتي  بس أقعد على القهوة شوية

عرفت بس متأخر

 حقيقة أن الكرسي  غدار 

و المعاش  ركنه بدرية لموظف 

عمره ما عاش لحظة هنية

هل اعجبك الموضوع :

تعليقات