حوار: خالد حمادة
حاورت الخبر المصري ، الطفلة رحمة سامر موديل الإعلانات الشهيرة.. للتعرف على بداية دخولها عالم الموديلز والفاشون، وكيف أصبحت في وقت قصير تنافس أقرانها في هذا المجال الذي يحتاج إلى مواصفات خاصة ومحددة.. وكيف يمكن لهذا الباب أن يجعلها تعبر إلى مجال التمثيل، الذي تحبه وتتمناه منذ نعومة أظافرها... وإلى نص الحوار:
* في البداية.. عرفينا بنفسك؟
_ اسمي رحمه سامر عندى ١٣ عاما، من سوريا، موديل إعلانات، وبحب التمثيل.
*كلمينا عن طبيعة حياتك؟
ج : حياتي كلها التصوير والرياضة لأني بحب التصوير جدا جدا و لو منزلتش اصور ببدا اصور نفسي في البيت و دايما بمرن نفسي انى لازم اكون جريئة جدا قدام الكاميرا، للمعلومة انا مش بلعب رياضة ولا بحبها.
*احكلنا عن مجال الفاشون اكتر؟
ج : مجال الفاشون جميل وبحب عروض الازياء جدا و هى حاجه انتا بتخرج فيها الطاقة اللي جواك ودايما بتساعدك على انك تكون جريئا اكتر وتساعدك على ان يكون عندك صور جميله دايماً و دايماً بيخليك فاهم في التصوير والإضاءة والزوايا كلها والألوان واهى حاجة بتعلم منها.
* من شجعك على المشاركة في مجال التصوير وبرندات؟
ج : كنت بشوف دايما فيديوهات وصور لموديلز كتير و كنت حابه انى اكون مكانهم او انا الوجهه اللي بتعرض الهدوم للبراندات او التصوير انا اللي بكون بعرض المنتج و قدرت ادخل واشتغل على نفسي.
*ما الصعوبات التي واجهتك في العمل؟
ج :ممكن الوقت يطول جدا او ناخد الشوت في وقت طويل جدا.
* ماذا أضافت لك تجربة " التصوير"؟
ج : انى بقيت جريئة، وواثقة في نفسي وبعرف اعمل حاجات كتير قدام الكاميرا خلتنى اشتغل على نفسي من ناحية التمثيل.
* كيف وجدتي ردود الأفعال الجمهور على السوشيال الميديا؟
ج: اتفاجئو أكيد وكانت زى صدمة بس فرحوا جدا.
*ما هي أعمالك القادمة؟
ج :نفسي آخد دور في مسلسل.
*حابة تقولي كلمة أخيرة؟
ج : يارب في المستقبل الجى نكون حاجة كبيرة ونوصل لحلمنا.
