لامار محمد 8 سنوات جمعت بين الموهبه والجمال، ولفتت الانظار للجميع و حرصت جريده الخبر علي اجراء الحوار معها و المزيد من التفاصيل كالاتي :
حوار خالد حمادة احمد
* في البدايه.. من هي لامار محمد ، في سنه كام؟
_ رايحة primary 2 مدرسة راهبات سان كلير .
* مين شجعك و نمي موهبتك؟
_ مامى وبابى دايما بيشجعونى لما شافزنى دايما بحفظ المسلسلات والافلام وافضل امثلهالهم تانى ولكل العيلة كمان.
* الفرصه جتلك ازاي انك تبقي موجوده في مجال التمثيل و الرقص و الموديلنج؟
_ عملت كاستنج ف مكاتب معروفة واختارونى ف اعلانات
وكمان بمثل وبشارك في الاستعراضات ف مسرح المدرسة وعملت كزا سيشنز تصوير مع فوتجرافرز مشهورين ومنها بيجيلى عروض بردو.
* ما هي الاعمال التي شاركتها فيها؟
_ أنا ف البداية اوى لسة عملت اعلان لمنظمة حقوق الطفل عن دور الأيتام فى مصر، وعملت اعلان لقرية سياحية، فقرات تمثيل ف برنامج kids star برنامج ألوان للاطفال، ومسرحيات للمدرسة.
* ايه الخبرات اللي اتعملتيها؟
اتعلمت متكسفش من مواجهة الجمهور ف مسرحيات المدرسة وكمان ازاى اعمل الدور بتاعى صح بالكلام والنظرات ونبرة الصوت وحركات جسمى وكمان ازاى عينى تبقى مع المخرج والكاميرا وانا ع طبيعتى.
*وماابرز النصائح ليكي و ما علاقتك بالمخرج؟
ان صوتى يبقى واضح تركيزى كله مع الدور والمخرج هو المسؤل لازم اسمع كلامه وانفذه عشان الشغل يطلع مظبوط.
* من مثلك الاعلي في التمثيل؟
_ دنيا سمير غانم بحبها اوى اوى حافظة كل أدوارها واغانيها.
* ما هوايتك غير التمثيل والرقص؟
_بحب الرسم والتلوين والكرافت بحفظ قرآن،بحب الزومبا وكمان بلعب رياضة سباحة وتايكوندو وكنت بلعب جمباز.
* شايفه لامار فين الفتره الجايه؟
_ اذاكر كويس وافضل شاطرة ف مدرستى واتعلم اكتر عن التمثيل والموديلنج.
* حابه تقولي كلمه اخيره؟
_ شكرا لمامى وبابى أنهم بيساعدونى اعمل اللى بحبه ، وشكرا لحضرتك انك اختارتنى وشكرا لكل شخص بيشجعنى من عيلتى ومدرستى.