كتبت/ بسملة أحمد
عام 2009 بدأت رحلتي مع المسرح، شاركت في مسرحيات عِدة أبرزهم، كوميديا الأحزان الأب، عالم السمك، حكاية سعيد الوازن، النهر، كاسك يا وطن..
وهناك أعمال أخرى مش متذكرها الآن، وعملت أعمال درامية، كان أول عمل ليا رشحني ليه استاذ محمد شاهين مساعد المخرج كان "واحة الغروب"، ورشحني الاستاذ "إبراهيم فرج" لمسلسل الأختيار.
رد فعل الجمهور على دوري في مسلسل الأختيار أسعدني جدا، أنا لأني مؤمن إن مافيش حد بيتولد كبير فعباس عبد المنعم أنا يعني أجتهدت على قد ما أقدر في شغلي، وإنما القبول دا حاجه بتاع ربنا وفرحان جدا بحاجه زي كدا، وسعيد جدا بتجسيدي لدور شهيد من أبطال سينا الأبرار.
بالنسبة لمثلي الأعلى في الفن الأستاذ الكبير "أحمد ذكي" رحمة الله عليه، أما في الحياة عموما أبويا وأمي، ولو جات فرصة اني أجسد شخصية تاريخية فهي سيدنا "بلال ابن رباح".
شاركت في كذا عمل درامي السنة دي وهم: مسلسل "فلانتينو" بدور "حمو" ومسلسل "قابيل" في بدور "رمضان" ودا كان السنة اللي فاتت، وطبعا "الأختيار".
وفي النهاية شاركت في برنامج "شوكت هولمز"، وفي إعلان "كوكس".