كتبت : منه عرفه
نشر نجم نادي الزمالك ومنتخب مصر السابق أحمد حسام ميدو تغريده على صفحته الرسميه على موقع التواصل الإجتماعي تويتر يدعو بها وزير الشباب والرياضه إلى تنفيذ فكره معينه.
حيث كتب :" لازم الوزير اشرف صبحي والأستاذ عمرو الجنايني يشتغلوا اه مفيش عقد لأي لاعب او مدرب يتم اعتماده الا بسقف معين يزيد كل 3 سنوات السقف ده 15 ٪..الأندية المصرية كلها بلا استثناء بتخسر ملايين.. وايه العائد؟ مفيش اي عائد!! دوري تعبان من غير جمهور بيفرز 2 او 3 لاعيبه مميزين كل موسم!!".
وأضاف :" مثلًا زوج اختي دكتور مخ وأعصاب في مستشفى كبيرة جدا وعندما علمت عن دخله السنوي صعقت!! ازاي واحد درس سبع سنين طب موت نفسه فيهم وبيشتغل اقل حاجه ١٦ ساعه في اليوم يكون ده دخله!! على فكره ده الوضع في العالم كله مش في مصر بس..في رايي ان كل ده لازم يتغير ".
وأيضًا ب:" مثلا ماينفعش لاعيب او مدرب في الدوري المصري المتواضع جدا فنيا يكون دخله مئات أضعاف العاملين في القطاع الصحي والقلاع التعليمي بالذات.. اه لاعيب الكورة والمدرب لازم يأخذ يتم تقديره بشكل جيد لانها موهبة ومهنة صعبه جدا لكن الفروق لازم ماتكونش بعيده اوي كده",
واستكمل :" ماينفعش العاملين بالقطاع الصحي والقطاع التعليمي يبقوا بيعانوا واللاعبين والمدربين والإعلاميين والفنانين بيتقاضوا مئات أضعافهم.. وهنا الموضوع مش موضوع أرزاق.الخوضوع موضوع عدل!! لازم يبقى في نسبه وتناسب..لازم نستغل الظروف اللي بنمر بيها وحاجات كتيره تتعدل".
واختتم حديثه ب:" اكثر حاجه لازم الدولة تتعلمها ان لازم يحصل تعديل في الموازنة العامة لازم الصحة والتعليم يتخصص لهم نسبة اكبر بكتير لازم يتم تخفيض عدد الموظفين الحكوميين لازم الفلوس اللي بتتصرف على الكورة والأعلام والفن يتم تخفيضها بشكل كبير!! لازم بتعمل سقف مرتبات للاعبين والمدربين والاعلاميين".