كتب: آية محمد -عماد عبدالناصر
تقدم الخبر المصري لقرائها ومتابعيها 10 أفكار بسيطة ورائعة لتنظيف المنزل، بطريقة مريحة.
1- فكرة وضع الخل مع سائل غسيل المواعين بيعطيها لمعانا رائعا.
2- مسح الأبواب بخليط الديتول مع الداونى.
3- الخل مع الملابس البيضاء وهتلاقيها منوره ع الحبل بس انقعيها مع الاريال ونص كبايه خل ومن غير كلور.
4- تنظيف حوض المطبخ باريال مع ماء وبعدين افتحى حنفية المية السخنة عشر دقايق هتلاقيه يبرق.
5- لو حوض المطبخ اتسد نحط ف البلاعه ملح خشن وبعدين مية سخنة.
6- بالنسبة لتنضيف الشبابيك وشيش البلكونات.. نحضر إزازة الكاتشب اللى بتبقى ببوز تحطى فيها الخلطة اللى هتغسلي بيها الشيش سواء كانت إريال أو أى حاجة متعودة تغسلي بيها وتصبى منها من البوز على الشيش وهتلاقيه بينضف بدون أي تعب وبعدين اشطفيها بالمية بنفس الطريقة ولو معندكيش إزازة الكاتشب دى ممكن بإزازة الفيري برضو ببوزها بنفس الطريقة.
7- بقع الحبر ع الملابس بتروح بكل سهولة لو دعكتيها بديتول غير مخفف.
8- تعطير البيت ممكن تحطى أى زيت عطري ع السجاد قبل الكنس ولما تكنسي هتفوح الرائحه في كل البيت.
9- الفحم في التلاجة بيشفط الروائح.
10- حطى شوية كربوناتو في قعر سلة الزبالة مش هتشمى اى ريحة في الباسكت خالص.
