كتب: عماد عبدالناصر -آية محمد
وجه الفنان أحمد فهمي، اليوم الأربعاء، رسالة إلى جمهوره عبر حسابه الشخصي بموقع الفيديوهات والصور الشهير إنستجرام؛ وذلك بعدما زار ضحايا حادث معهد الأورام.
ونشر أحمد فهمي، صورة لإحدى ضحايا حادث معهد الأورام أثناء زيارته، وعلق عليها برسالة وجهها إلى محبيه ومتابعيه، حيث قال: "آسف مبدئيا على الصورة، بس انا كنت النهاردة في قصر العيني بزور بعض ضحايا الانفجار، بشكر كل الناس اللي اتبرعت لضحايا معهد الأورام، بداية من محمد صلاح لأصغر واحد اتبرع".
وتابع أحمد فهمي موجها رسالة خاصة لجمهوره: "فيه ناس تانية كمان محتاجة مساعدة من ضحايا الانفجار غير المصابين بالسرطان، زي الحالة اللي في الصورة، الولد ده محتاج دكتور مخ وأعصاب ومحتاج دكتور عيون لأنه فقد عين بس ممكن تتلحق، غير الحروق التي أصيب بها، بس للأسف مفيش إمكانيات".
وأضاف أحمد فهمي: "لو كل واحد فينا اتبنى حالة من ضحايا الانفجار سواء المصابين بسرطان أو زي الطفل دا، أو حتى كل مجموعة اتبنت حالة، هنساعد ناس بجد محتاجة، الموضوع كبير يا جماعة ولازم نتحرك، وكل واحد باللي يقدر عليه.. وشكرا".
