كتب : الدكتور أحمد حمدى
خلينا متفقين أن الكبد الطبيعي بيبقي ناعم ولونه بني فاتح او غامق حسب العمر وماعلهوش اي الوان او اجزاء غريبة مثلا تلاقي الكبد عليه حبيبات كتيرة بيضاء او صفراء محجرة الملمس ساعات تحسها عضم .لو فتحتها بسكينه هتحسها بتعمل صوت زي الرمل دي بتبقي درنات سل وطبعا خطر جدا لانها معدية للانسان ولازم وقتها اعدم الكبد ولو فحصت الدبيحة وظهر في الغدد الليمفاوية وقتها السل ده في اكتر من غدة باعدمها كلها وده فايدة واهمية دبح المجازر تحت اشراف الطب البيطري كمان بتظهر قوي ع الرئتين
تلاقي مثلا درنات تشبه فقاعات شفافة وكتير ولو جيت تفتحها تلاقيها شبه فقاعة الماية ودي بتبقي لديدان التينيا وبردة معدية للانسان وبتسبب مشاكل معوية رهيبة ولازم اعدم وقتها الكبد او اي عضو ظاهر فيه المشكلة دي
زي مثلا هتلاقي الكبد فيه ديدان الفاشيولا شبه ورق الشجر كدا ولو فتحت في القناه المرارية هتلاقيها مسدودة بيها ودي المفروض بردو ما اكلهاش لانها بتعمل مرض الهالزون الخانق للانسان وتسبب مشاكل في البلع والتهاب حاد بالبلعوم الكبده لو لونها اصفر شديد او لاحظت ان انسجتها مش ناعمة ومتليفة برضو ماتتتكلش وتتخلص منها فوراً.
لو لونها غامق قوي وشاكك انها مستوردة حطها تحت الحنفية لو اللون بهت يبقى شكك في محله الصور دي لكبده مريضة مش سليمة
