كتب : الدكتور أحمد حمدى
قال الدكتور أحمد حمدى مدير مجازر سوهاج من خلال الحملات اللي بنقوم بيها على محلات الجزارة والسوبرماركت الكبيرة والتلاجات والمطاعم وغيره نصيحة لله بلاش.
اوعي تشتري لحم مفروم جاهز.
تقطع لحمة وافرمها قدام عينك لية ، خلي بالك اللحوم اي كانت صعب جداا يتعرف نوعها او مصدرها بعد الفرم.
وحاجة تانيه
اللون الوردي للحوم المفرومة بيخدعنا ...وبيشدنا نشتري ...
بس فيه نوع من الغش اسمه
(( غش اللحوم بالنيتريت و النترات))
تلاقي اللحم المفروم لونه تحفه وملفت للنظر والسبب هو اضافة مادة النترات و النيتريت اللي بيحسنوا لون اللحوم و النكهه كمان و بتقلل الرطوبة فبتمنع نمو البكتيريا قبل تجميد اللحوم ..
مش اللحوم المفرومة بس لا و منتجاتها كمان زي الكفتة و البورجر ببتتعرض للغش عن طريق اضافة الانسجة الضامة و الاوتار و الاجزاء الصلبة في الحيوان بعد طحنها و معاملتها بمادة هيدروكسيد الأمونيوم اللي اساسها امونيا
الاجزاء دي مالهاش اي قيمة غذائية اضافة الى ان هيدروكسيد الامونيوم بيتحول في ظروف معينة لنترات أمونيوم و دي مادة سامة
ده غير نسبة الدهون العالية جداا واللي بيتم خلطها مع المفروم.
وبنصحك اشتري لحم من مكان موثوق ...من جزار معروف
لحم مختوم ....لحم نظيف...وتعمل اللي انت عاوزه
مفروم ....أو تصنعه زي ما تحب ..وابعد عن التسمم الغذائي ...ومشاكل تانيه مالهاش حلول.
لو بصيتو في شكل اللحمة في الصورة رقم 1
لكن لما جبت طبق وحطيت جزء من اللحمة المفرومة فيه في دقيقتين المياه كلها بقت احمر ف الصورة 2
واللون اللي في اللحمة راح ف الصورة رقم 3
من الآخر
اشتري لحمة وافرمها بنفسك
