كتبت : رانا عبدالغني
كتب المهندس محمد سراج الدين، عضو مجلس إدارة النادي الأهلي، عبر حسابه الرسمي على موقع التواصل الاجتماعي "فيسبوك" منشورًا يتحدث فيه عن أزمة فيروس كورونا التي تنتشر في البلاد.
وقال:"بعيد عن الكورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج الفيروسات دي بتنشر فتن وقرف ومشاكل طول الوقت في الرياضة".
وأكمل:"وبين الناس وبين بعض وبين أكبر جمهورين في مصر اللي انا واحد مرضاش باحداث اي نوع من أنواع الفتنة بينهم بأي شكل من الأشكال احنا في النهاية ولاد بلد واحدة نختلف اه نهزر مع بعض اه لكن تطاول وأذى ده منبوذ ومرفوض بالنسبالي من الجانبيين".
وأضاف:"المشكلة ان الفيروسات دي مختلفة عن الكورونا في حاجة وهي ان لها علاج بس العلاج لازم يجي من الدولة ويكون جذري الدولة اللي انا بحترمها وبقدرها عشان محدش يزايد عليا انا ابن مؤتمر الشباب ودايماً بكون فخور بده وظهوري الأول هناك في ٢٠١٦ وعرضي لأفكاري كان دفعة".
واختتم:"ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل اتمني يكون في مستمع لأن فاض الكيل...اللهم بلغت اللهم فاشهد".