بقلم✍️ : عمرو حسن
اللي فات ع الدنيا طيب
واللي سابها من قريّب
كان طموحه ف ايد تطيّب
جرح ساكنه من زمان
كان ف عينه نظرة شاردة
عاش ليالي طويلة باردة
واما راح سيبناله وردة
بعد مافات الأوان
اللي عاش محتاج سؤالنا واحنا ما سألناش عليه
بعد موتُه جه ف بالنا ألف رحمة ونور عليه
كان مُناه يتداوى جرحُه
والسنين تراضيه بفرحُه
بس حُزنه الله يسامحه
كان وراه من وقت فات
قال ياناس ولا حد سمعُه
والصحاب ف الدنيا طمعوا
فجأة .. قلبه وعينه لمعوا
وانتبهنا لما مات
شوفوا كام واحد ندالنا وشوفنا حُزنه مابين عينيه
والنهارده صحينا قولنا ألف رحمة ونور عليه
وداعاً الشاعر #ميدو_زهير