كتبت: رحاب بنت المنصورة
استغاثت سيدة عبر الخبر المصري ، اليوم الإثنين، بالدكتور كمال شاروبيم محافظ الدقهلية ؛ لتضررها من ظلم القومسيون الطبى بمنطقة جديلة بالمحافظة، وكتبت رسالتها إلى المحافظ وهي تبكي.. وكان فحواها:
(أكتب رسالتي إلى محافظ الدقهلية، وأنا أبكي من تعرضي للظلم.. نفسى تعرف سيادة المحافظ ظلم القومسيون الطبى اللي في جديلة للموظف المريض.. نروح معانا جميع التقارير الطبية، ونتعرض على اللجنة عشان تعتمد الإجازة بالقرار 259 لسن 95.. مفيش تنفيذ أي قرار.. زى ما يكون هيعطوك من جيبهم، وغير الطريقة السيئة من العامل لغير الموظف.. تسأل على أى حاجة مفيش حد يرد عليك.. أنا لو كنت بكلم رئيس الجمهورية والله كان رد عليا.. روحت اتعرض عليهم وعاملة رنين مغناطيسى على فقرات الضهر وعاملة أشعة مقطعية يوجد بالتقرير كسر بالفقرة الحادية عشرة من فقرات الصدر، وغضروف بالفقرتين 4 و5 من فقرات الرقبة، وغضروف بالفقرات 10 و11 و12، وغضروف بالفقرتين 4 و5 من الضهر.. ويقولى لا ينطبق القرار.. عاوزة أعرف أمال ينطبق على مين.. ياريت صوتى يوصل للمسئولين عن التأمين، كده حرام وظلم.. ودى صور التقارير الطبية الرنين والمقطعية.. نفسى حد يرد عليا.. من المسئول.. نفسى محافظ الدقهلية يشوف رسالتى.. كل الموظفين بيعانوا من ظلم القومسيون الطبي.. انقذونا).
