📃📃📃
للشاعر✍
ا.د/عمر عبد الجواد عبد العزيز
وكيل كلية التجارة جامعة بني سويف سابقا
===========================
ناس .. ....... رافضة الستر
و ناس....مش طايلة الستر
في آخر زمن....يحلا العفن
آفة.......... و محتاجة البتر
اللحم الأبيض ....... متعري
و ع المحطة....البطة بتوري
كل الركاب............ و تسري
قبل ........... ما يعدي القطر
و اللحم الاحمر.......مكشوف
بص و إطلع............ و شوف
طار الحياء.....و يا الكسوف
مع حبة......... بودرة و عطر
لحم البنات....أصبح رخيص
علي أد ما تعري ......تقيس
و الكل. حابب ........ يهيص
و القماش..... لو كان ببلاش
نقطعه بالسنتي...مش بالمتر
و الفخدة ..... واخدة.. البطن
لا سترة ..... و لا حتة قطن
ملعون........... أبو أم البطن
اللي جابتك .........و سابتك
من غير حياء......و لا ستر
و لحم الفقرا .......... الغلابة
مرسوم عليه.............. الكآبة
و الحرارة اتعلمت فيه الكتابة
محروق...... من تحت و فوق
و كأنهم في صحرا أو غابة
لا طايلة صحة........ و لا ستر
★★★★★★★★★★★